ချစ်မေတ္တာတည်ရာ

"ကျွန်မရဲ့ ကလေးကို ကြည့်လို့ရမလား" ဟု ပျော်ရွှင်နေသော မိခင်က မေးသည်။ သူ၏ရင်ခွင်ထဲသို့ အနှီးဖြင့်ထွေးထားသော ကလေးလေး ရောက်လာသည်။ သူသည် သားငယ်လေး၏ မျက်နှာကို ကြည့်ရှုရန် အဝတ်ခေါက်လေးကို ဖယ်လိုက်ေ...သာအခါ ပင့်သက်ရှိုက်မိသွားသည်။ အကြောင်းမှာ သူ၏သားကလေးသည် နားရွက်များမပါဘဲ မွေးဖွားလာခြင်းကြောင့်ဖြစ်သည်။ ကလေးငယ်လေး၏ အကြားအာရုံမှာ ပြည့်စုံကောင်းမွန်ပါသည်။ သို့သော် နားရွက်များမပါသောကြောင့် သူ၏ရုပ်ရည်မှာ မလှမပဖြစ်နေသည်။

တစ်နေ့တွင် ထိုကလေးသည် ကျောင်းမှ အိမ်သို့ အပြေးပြန်လာပြီး မိခင်၏ ရင်ခွင်ထဲသို့ တိုးဝင်နေလိုက်သည်။ မိခင်က သက်ပြင်းချမိသည်။ သားလေး ဝမ်းနည်းစရာများ ကြုံလာခဲ့ရသည်ကို သိနေ၍ဖြစ်သည်။

"လူကောင်ကြီးကြီးနဲ့ တစ်ယောက်က သားကို ငကြောင်လို့ခေါ်တယ်" ဟု သားငယ်လေးက သူ၏ မိခင်ကို ဝမ်းနည်းစွာ ပြောပြသည်။

သူ ကြီးပြင်းလာသောအခါ သူ၏အတန်းဖော်ကျောင်းသားများသည် သူ့ကို အလွန်ခင်မင်ကြသည်။ သူသည် အတန်းခေါင်းဆောင်ဖြစ်သင့်သူပင်ဖြစ်သည်။ သို့သော် နားရွက်များမပါသည့် အတွက်ပင် မဖြစ်ခဲ့ပေ။ သူသည် နောက်ပိုင်းတွင် အတန်းဖော်များနှင့် ရောရောနှောနှောမနေတော့ဘဲ သူဝါသနာပါသော စာပေနှင့် ဂီတကိုသာ တိုးတက်အောင်လုပ်တော့သည်။ ဤတွင် မိခင်က "သား၊ တခြားကလေးတွေနဲ့ ခင်ခင်မင်မင်နေရမယ်လေ" ဟု ဆုံးမပြောဆိုသည်။ ပြောသာပြောရသည်။ မိခင်မှာလည်း သားငယ်လေးကို ကရုဏာသက်နေမိသည်။

သားငယ်လေး၏ ဖခင်သည် မိသားစုဆရာဝန်နှင့် တွေ့ဆုံပြီး "သားလေးအတွက် ဘာမှ လုပ်ပေးလို့ မရတော့ဘူးလား" ဟု မေးသည်။ ဆရာဝန်က "နားရွက်တစ်စုံလောက် ရနိုင်မယ်ဆိုရင်တော့ အစားထိုးပြီး ဆက်ပေးလို့ရပါတယ်" ဟုပြောသည်။ ထို့နောက်တွင် ထိုလူငယ်လေးအတွက် အနစ်နာခံ၍ နားရွက်လှူနိုင်မည့်သူကို ရှာပုံတော်ဖွင့်ကြသည်။

ဤသို့ဖြင့် ၂-နှစ်ကုန်လွန်သွားပြီးနောက် တစ်နေ့တွင် "သားဆေးရုံကိုသွားရမယ်။ မင်းအမေနဲ့ အဖေက သားလိုအပ်တဲ့ နားရွက်တွေလှူမယ့်သူတစ်ယောက်ကို ရထားတယ်။ ဒါပေမဲ့ အဲဒါကလျှို့ဝှက်ချက်နော်" ဟု ဖခင်က သားငယ်ကို ပြောသည်။

ခွဲစိတ်ကုသမှု အောင်မြင်ခဲ့သဖြင့် သားငယ်လေးသည် ရုပ်သွင်အသစ်ပေါ်ထွက်လာသည်။ ဤတွင် လူငယ်လေး၏ ပင်ကို စွမ်းရည်များဖွံ့ဖြိုးလာပြီး သူ၏ကျောင်းနှင့် ကောလိပ်တစ်လျှောက်လုံး အောင်မြင်မှုတစ်သီတစ်တန်းကြီး ရလာခဲ့ပါသည်။ ထို့နောက်တွင် သူသည် အိမ်ထောင်ကျပြီး သံတမန်တစ်ဦးဖြစ်လာသည်။

တစ်နေ့တွင် သူက ဖခင်ကို မေးသည်။
"ဘယ်သူက ကျွန်တော့်ကို နားရွက်တွေ ပေးခဲ့တာလဲ။ ကျွန်တော် အဲဒီလူအတွက် ဘာမှ ကျေးဇူးမဆပ်နိုင်သေးဘူး။"

"မင်း ကျေးဇူးဆပ်နိုင်မှာ မဟုတ်ဘူး။ နားရွက်တွေ ဘယ်သူလှူခဲ့တယ် ဆိုတာကို သားသိခွင့်မရှိဘူးလို့ အဖေတို့ သဘောတူထားတယ်လေ။ ဒါကြောင့် အခုသိခွင့်မရှိသေးဘူးပေါ့ကွာ။"

နှစ်များကြာသည်အထိ လျှို့ဝှက်ချက်က ရှိနေဆဲဖြစ်ပါသည်။ သို့သော် သိရှိရမည့်နေ့ကို ရောက်လာပါပြီ။ ထိုနေ့သည် သူ့ဘဝတွင် ကြုံတွေ့ရသမျှ အမှောင်ဆုံးနေ့ရက်များထဲမှ တစ်နေ့ပင်ဖြစ်ပါသည်။

သူသည် ဖခင်နှင့်အတူ မိခင်အလောင်းဘေး၌ ရပ်နေသည်။ ဖခင်က ဖြည်းနှေးနူးညံ့စွာဖြင့် လက်ကို ရှေ့ဆန့်ထုတ်ပြီး မိခင်၏ ထူထဲသောနီညိုရောင် ဆံပင်များကို မ ပြီး ပြောသည်။ "မင်းအမေက ပြောတယ်။ သူ့ရဲ့ဆံပင်တွေကို ဘယ်တော့မှ မညှပ်ရတော့လို့ ဝမ်းသာတယ်တဲ့လေ။ ဘယ်သူကမှလည်း မင်းအမေရဲ့ အလှတွေလျော့သွားမယ်လို့ မထင်ပါဘူး။ ဟုတ်တယ်မဟုတ်လား။"

ဤတွင် သူ သေသေချာချာ မြင်လိုက်ပါပြီ။ သူ့မိခင်တွင် နားရွက်နှစ်ဖက်လုံး ပြတ်နေသည်ကို မြင်လိုက်ရခြင်းပင်တည်း။

ကျွန်တော်တို့ သတိရသင့်ပါသည်။ တကယ့်ရတနာဆိုသည်မှာ ကျွန်တော်တို့ မြင်နိုင်သည့် နေရာတွင်မရှိဘဲ ကျွန်တော်တို့ မမြင်နိုင်သည့် နေရတွင် ရှိနေမြဲဖြစ်ပါသည်။ ထို့အတူ တကယ့်ချစ်မေတ္တာသည်လည်း လူသိနိုင်သည့် အပေါ်ယံကြောတွင် မရှိဘဲ လူမသိနိုင်သည့် အတွင်းစိတ်သဏ္ဌာန်တွင် တည်ရှိနေတတ်ပါသည်။

စည်သူထက် (မအူပင်တက္ကသိုလ်)
Ref: Can I See My Baby
မင်္ဂလာမောင်မယ်၊ စက်တင်ဘာ၊ ၂၀၁၄