တစ်ခါက လူငါးဆယ်ပါတဲ့ အုပ်စုတစ်စုဟာ ဆွေးနွေးပွဲတစ်ခုကို တက်နေပါတယ်။
ဟောပြောသူက ရုတ်တရက် ရပ်တန့်လိုက်ပြီး လူတစ်ယောက်ကို ပူပေါင်းတစ်လုံးစီ စတင်ပေးပါတယ်။ အဲဒီလူတစ်ယောက်စီကို... အမှတ်အသားလုပ်တဲ့ မင်တံသုံးပြီး ပူပေါင်းပေါ်မှာ သူ ဒါမှမဟုတ် သူမရဲ့ နာမည်ကို ရေးခိုင်းတယ်။ အဲဒီနောက် ပူပေါင်းတွေ အားလုံးကို စုပြီး အခန်းတစ်ခန်းထဲထည့်လိုက်ပါတယ်။
အခု အဲဒီကိုယ်စားလှယ်တွေကို အခန်းထဲဝင်ခွင့်ပြုလိုက်ပြီး သူတို့ရဲ့ နာမည်ရေးထားတဲ့ ပူပေါင်းကို ငါးမိနစ်အတွင်းရှာခိုင်းပါတယ်။
လူတိုင်းက သူတို့ရဲ့ ကိုယ်ပိုင်ပူပေါင်းတွေကို ကသုတ်ကရက်ရှာကြပါတယ်။ တစ်ယောက်ကို တစ်ယောက် တွန်းထိုးရင်း တိုက်ရင်းနဲ့ပါ။ လုံးဝကို ပရမ်းပတာနဲ့ပေါ့။ ငါးမိနစ်ပြီးတဲ့နောက်မှာ ဘယ်သူကမှ သူတို့နာမည်ပါတဲ့ ပူပေါငိးကို ရှာလို့မရနိုင်ခဲ့ဘူး။
အခုတစ်ယောက်စီကို ပူပေါင်းတစ်လုံး ကြုံရာယူပြီး ပူပေါင်းပေါ်မှာ ရေးထားတဲ့ နာမည်ပိုင်ရှင်ကို ပေးခိုင်းပါတယ်။ မိနစ်ပိုင်းအတွင်းမှာပဲ လူတိုင်းဟာ သူတို့ရဲ ကိုယ်ပိုင် ပူပေါင်းကို ပြန်ရသွားပါတယ်။
ဟောပြောသူက စတင်ပြောပါတယ်။ “ဒါဟာ ကျွန်တော်တို့ရဲ့ ဘဝမှာ ဖြစ်ပျက်နေတဲ့အတိုင်းအတိအကျပဲဗျ။ လူတိုင်းက ပျော်ရွှင်မှုဆိုတာကို ဘယ်နားရှိနေမှန်းမသိဘဲနဲ့ ကသုတ်ကရက် ရှာနေကြတယ်။ ကျွန်တော်တို့ရဲ့ ပျော်ရွှင်မှုက တခြားသူတွေရဲ့ ပျော်ရွှင်မှုတွေမှာ ရှိနေပါတယ်။ တခြားသူတွေကို သူတို့ရဲ့ ပျော်ရွှင်မှုတွေပေးလိုက်ပါ။ ခင်ဗျားတို့လည်း ခင်ဗျားတို့ရဲ့ ကိုယ်ပိုင်ပျော်ရွှင်မှုကို ရပါလိမ့်မယ်။
ပြီးတော့ ဒါဟာ လူ့ဘဝရဲ့ ရည်ရွယ်ချက်လည်းဖြစ်ပါတယ်။"
စည်သူထက် (မအူပင်တက္ကသိုလ်)
Ref: Finding Happiness by Author Unknown
The Best English Magazine, August, 2014
No comments:
Post a Comment
အပြုသဘောဆောင်သောမှတ်ချက်များကိုကြိုဆိုပါတယ်ခင်ဗျာ