ကျမ်းပြုစာဆို ဆရာယုဒသန်

ကျမ်းပြုစာဆို ဆရာယုဒသန်

ဝင်းနိုင်ဦး (ရေနံ)

မူရင်း Honore Willsie ၏ Splender of God: The Life of Adoniram Judson

(စာမျက်နှာ ၂၁၅ ရွက်ကို အကျဉ်းချုပ်ထားပါတယ်)

မြန်မာဘုရင် ဘိုးတော်ဘုရားလက်ထက် ၁၈၃၁ ခုနှစ်၊ ဇူလိုင်လ ၁၃ ရက်နေ့မှာ အဒိုနီယမ် ဂျဒ်ဆင် (ဆရာ ယုဒသန်) နဲ့ ဇနီး အန်တို့က ရန်ကုန်ဆိပ်ကမ်းကို ရောက်ရှိလာခဲ့ပါတယ်။ ဂျဒ်ဆင်က အသက် ၂၅ နှစ်အရွယ် လူငယ်ဖြစ်ပြီး အန်က အသက် ၂၁ နှစ်ပဲ ရှိပါသေးတယ်။ ဂျဒ်ဆင်က ခရစ်ယန် နှစ်ခြင်းသာသနာပြုဝင်းက ဖိလစ်ကယ်ရီနဲ့ ဇနီး မကယ်ရီရဲ့ အကူအညီနဲ့နေပြီး မောင်ရွှေနှောင်းလို့ ခေါ်တဲ့ မြန်မာဆရာတစ်ယောက်ဆီက မြန်စာစကားနဲ့ စာပေ၊ ပါဠိစာပေတွေကို သင်ယူပါတယ်။ တစ်နေ့ကို ၁၄ နာရီကြိုးစားသင်ကြားတယ်။ အချိန်တိုအတွင်းမှာ ဂျဒ်ဆင်က မြန်မာစကားနဲ့ စာပေကို တတ်ကျွမ်းလာပါတယ်။

ဂျဒ်ဆင်နဲ့ ဇနီးက မြန်မာအရာရှိတွေနဲ့ အဆင်ပြေအောင် လက်ဆောင်ပဏ္ဏာပေးဖို့ စိတ်ကူးရကြတယ်။ ရန်ကုန်မြို့ဝန်ကို သူတို့လက်ဖွဲ့ရထားတဲ့ ပန်းချီကားကြီး လက်ဆောင်ပေးတဲ့အခါ မြို့ဝန်က သဘောကျပြီး မြို့တွင်းမှာ မြေဝယ်ခွင့်ပေးလိုက်တော့ မြို့ပြင်ဘက်မှာရှိတဲ့ သာသနာပြုအိမ်ကနေ မြို့တွင်းမှာ အိမ်ဆောက်ပြီး ပြောင်းရွှေ့နေတယ်။ သူတို့ဇနီးမောင်နှံနဲ့အတူ ထမင်းချက် ကူးချီ၊ ခြံစောင့်မောင်နောနဲ့ ဇနီးမဗိုက်တို့ ပါလာပါတယ်။

ဂျဒ်ဆင်ရဲ့ဇနီး အန်က ငှက်ဖျားရောဂါဖြစ်တဲ့အခါ ရန်ကုန်မှာ ဥရောပသား ဆရာဝန်မရှိတဲ့အတွက် ဆီရမ်ပူးကို သူတို့စီးလာခဲ့တဲ့ ဂျော်ဂျီယားနား သဘောင်္နဲ့ သုံးလလောက်ပို့ပြီး ဆေးကုပေးတယ်။ အန် ပြန်ရောက်တဲ့အခါ အမေရိကန် နှစ်ခြင်းသာသနာပြုအဖွဲ့က စာပါလာတယ်။ စာထဲမှာ နိုင်ငံခြားနှစ်ခြင်းသာသနာပြုအဖွဲ့ ဖွဲ့စည်းလိုက်ပြီဖြစ်ကြောင်း၊  ဂျဒ်ဆင်တို့အတွက် စရိတ်ကို ထောက်ပံ့ရန် ကတိပေးလိုက်ကြောင်း ပါပါတယ်။ အခက်အခဲတွေ ပြေလည်ပြီမို့ သာသနာပြုလုပ်ငန်း စပါတယ်။

ရန်ကုန်မှာ ဂျဒ်ဆင်တို့ ဇနီးမောင်နှံက သားလေး ရောဂျားကို မွေးဖွားပါတယ်။ ဒါပေမဲ့ ရောဂျား အသက် ၈ လအရောက်မှာ အပြင်းဖျားပြီး အသက်ဆုံးပါးခဲ့ပါတယ်။ ဂျဒ်ဆင်တို့ ဇနီးမောင်နှံသောက ဖိစီးခဲ့ပါတယ်။ ဂျဒ်ဆင်ရဲ့ဆရာ ကိုရွှေနှောင်းက ဂျဒ်ဆင်ရဲ့သောက ပြေပျောက်အောင် စာသင်ကြားမှုကို အတင်းအကျပ်လုပ်တယ်။ အန်ကလည်း ဖြောင့်ဖျတယ်။ နောက် ဂျဒ်ဆင်က သမ္မာကျမ်းစာကို အထူးကြိုးစားပြီး ဘာသာပြန်ပါတော့တယ်။ ဇူလိုင်လမှာ နှစ်ခြင်းသာသနာပြုအဖွဲ့က စာပုံနှိပ်ဆရာနဲ့ သာသနာပြု ဂျော့ဟောက်နဲ့ဇနီးကို ရန်ကုန်လွှတ်လိုက်မယ့်အကြောင်း စာပို့တယ်။ မြန်မာယောင်္ကျားအားလုံး စာဖတ်တတ်သူများဖြစ်တဲ့အတွက် ပိုပြီးထိရောက်မှာဖြစ်လို့ ဂျဒ်ဆင်ဝမ်းသာတယ်။

ဟောက်တို့နဲ့အတူ ပုံနှိပ်စက်နဲ့ မြန်မာခဲစာလုံးတွေ ပါလာတဲ့အတွက် ဂျဒ်ဆင်တို့ အားတက်ပြီး ခရစ်ယာန်ကျမ်းစာတွေကို မြန်မာပြန်ဖို့ ပိုကြိုးစားခဲ့တယ်။ ဂျဒ်ဆင်က မြန်မာသဒ္ဒါကျမ်းတစ်စောင်ကို အင်္ဂလိပ်လို ပြုစုပြီးပါပြီ။ ပါဠိ-မြန်မာ အဘိဓာန်ကို စတင်ပြုစုနေတယ်။ အဲဒီနောက် မြန်မာစာလုံးတွေကို ရွေးထုတ်ပြီး မြန်မာ-အင်္ဂလိပ်အဘိဓာန်ကို ဆက်လက်ပြုစုတယ်။ ၁၈၁၆ ဇန်နဝါရီက စပြီး ရှင်မဿဲခရစ်ဝင်ကို မြန်မာပြန်တယ်။ စာမျက်နှာ ၇ မျက်နှာရှိတဲ့ ခရစ်ဘာသာရေးတရားကျမ်းအဖွင့်ကို ရေးသားပြီး စောင်ရေ ၁၀၀၀ ပုံနှိပ်တယ်။ ရှင်မဿဲခရစ်ဝင်ရဲ့ ဧဝံဂလိကျမ်းကို စောင်ရေ ၈၀၀ ပုံနှိပ်တယ်။ ပုံနှိပ်ပြီးကျမ်းစာတွေကို လက်လှမ်းမီရာပရိသတ်ကို ဝေငှတယ်။ တရားဟော ဇရပ်ဆောက်ပြီး လမ်းသွားလမ်းလာတွေကို မြန်မာဘာသာနဲ့ ဇရပ်ပေါ်ကနေ ခရစ်ယန်တရားဟောတယ်။

မောင်နောက ခရစ်ယန်ဘာသာဝင်ရန် ပထမဆုံး ဆုံးဖြတ်လိုက်တဲ့သူ ဖြစ်လာတယ်။ ဘိုးတော်ဘုရား နတ်ရွာစံပြီး ဘကြီးတော် နန်းတက်တဲ့ အချိန်မှာ နှစ်ခြင်းမင်္ဂလာကို လုပ်ခဲ့တယ်။ ဘာသာပြောင်းတဲ့သူတွေ မင်းပြစ်မင်းဒဏ်သင့်မှာမို့ နိုင်ငံရေးအပြာင်းအလဲဖြစ်ချိန်မှာ စွန့်စွန့်စားစား လုပ်ခဲ့ကြတာပါ။ ၁၈၁၉ ခု၊ ဇွန်လ ၂၇ ရက်နေ့မှာ မောင်နောကို နှစ်ခြင်းမင်္ဂလာပြုခဲ့ပါတယ်။

ဂျဒ်ဆင်က အမရပူရကို သွား၊ ဘကြီးတော်မင်းကို အခစားဝင်ပြီး ခရစ်ယာန်ဘာသာ သင်ကြားခွင့်ပြုရန်၊ မြန်မာတို့ထဲမှာ ဘာသာကို နှစ်ခြိုက်ပြီး ဝင်လာသူတွေကို အပြစ်ဒဏ်မပေးရန် အသနားခံ တောင်းဆိုတယ်။ ဘကြီးတော်မင်းက ငြင်းဆိုလိုက်ပါတယ်။

ဂျဒ်ဆင်ရန်ကုန်ပြန်လာပြီး သာသနာပြုအလုပ်ပြန်လုပ်တယ်။ ဒုတိယမြောက် ခရစ်ယာန်ဘာသာဝင်သူ မောင်အင်ကို နှစ်ခြင်းမင်္ဂလာလုပ်ပေးနိုင်ခဲ့တယ်။ နန်းတော်ကုန်း၊ ပုစွန်တောင် စတဲ့ရွာက မြန်မာတွေကို စည်းရုံးပြီး ခရစ်ယာန်ဘာသာ ကူးပြောင်းပေးနိုင်ခဲ့တယ်။ မြန်မာ့နိုင်ငံရေးရှုပ်ထွေးပြီး စစ်ရိပ်စစ်ရောင်ရှိနေချိန်ကို အခွင့်ကောင်းယူပြီး ကြိုးစားနိုင်ခဲ့တာဖြစ်ပါတယ်။

အမေရိကန် နှစ်ခြင်းသာသနာပြုအဖွဲ့က သာသနာပြု ဒေါက်တာပရိုက်စ်နဲ့ ဇနီးကို မြန်မာနိုင်ငံပို့လိုက်တယ်။ ဒေါက်တာပရိုက်စ် ဆေးကုတာတော်တဲ့အတွက် ဘုရင်က နေပြည်တော်ခေါ်ဖို့ အမိန့်ချတယ်။ ဂျဒ်ဆင်က ဒေါက်တာပရိုက်စ်နဲ့ လိုက်ပါဖို့ သဘောတူလိုက်တယ်။

ဒေါက်တာပရိုက်စ်က အင်းဝနန်းတော်မှာ နေရာရခဲ့တယ်။ ဘုရင်မင်းမြတ်က ဂျဒ်ဆင်ရဲ့ဟောပြောချက်ကြောင့် မြန်မာတွေ ခရစ်ယာန်ဘာသာကူးပြောင်းတာကို အပြစ်မယူ၊ စိတ်ဝင်စားမှုမရှိတဲ့အတွက် ဂျဒ်ဆင်လည်း နန်းတွင်းမှာ အဆင်ပြေပြေ ပေါင်းသင်းနေထိုင်နိုင်ခဲ့တယ်။

အင်္ဂလိပ် မြန်မာ စစ်ဖြစ်ပြီး အင်္ဂလိပ်တွေက ရန်ကုန်မြို့ကို သိမ်းပိုက်လိုက်တဲ့အချိန်မှာ အရေးအခင်းမှာပါတဲ့ သူလျှိုတွေကို စုံစမ်းစစ်ဆေးပါတော့တယ်။ ဂျဒ်ဆင်ကိုလည်း ဖမ်းဆီးပြီး လက်မရွံထောင်မှာ ချုပ်ပါတယ်။ ဒေါက်တာပရိုက်စ်၊ ရောဂျားတို့လည်း အဖမ်းခံရပါတယ်။ ဂျဒ်ဆင်က ဗိုလ်ချုပ်ကြီး မဟာဗန္ဓုလဆီမှာ အသနားခံဖို့ စီစဉ်တဲ့အခါ အန်ကိုယ်တိုင် မဟာဗန္ဓုလရှေ့မှောက်ခစားပြီး အသနားခံခဲ့တယ်။ အန်က ကိုယ်ဝန်ရှိနေတဲ့အတွက် ဂျဒ်ဆင်ထောင်ထဲရှိနေစဉ်မှာ မိန်းကလေး မွေးဖွားတယ်။

နောက်တော့ ဗိုလ်ချုပ်ကင်းဘဲတို့ အင်္ဂလိပ်ကိုယ်စားလှယ်တွေနဲ့ ညှိနှိုင်းဖို့ မင်းသားမင်းမြတ်ဗိုလ်အမိန့်အရ ဂျဒ်ဆင်က ဆောင်ရွက်ရတယ်။ ကိစ္စပြီးတဲ့အခါ ဂျဒ်ဆင်ကို အင်းဝကို ပြန်ပို့ပြီး ချုပ်ထားတယ်။ အန်ရဲ့ တစ်ရက်ခြားဆိုသလို တစ်နှစ်ပတ်လုံး အသနားခံချက်အရ ဝင်းတော်မှူးခဲပေါင်ဝန်ကြီးက ဂျဒ်ဆင်ကို အင်းဝကနေ ဘယ်ကိုမှမသွားပါဘူးဆိုတဲ့ ကတိနဲ့ သိုသိုသိပ်သိပ်နေဖို့ မှာပြီး လွှတ်ပေးလိုက်တယ်။

အင်္ဂလိပ်နဲ့ စစ်ပြေငြိမ်းရေးစာချုပ်ချုပ်တဲ့အခါ အင်္ဂလိပ်တွေက စစ်လျော်ကြေးကို လေးရစ်ခွဲပေးဖို့ သဘောတူပေမဲ့ ပထမအရစ် စစ်လျော်ကြေးကို ၁၂ ရက်အတွင်း ပေးဖို့၊ ဂျဒ်ဆင်နဲ့ ဒေါက်တာပရိုက်စ်အပါအဝင် ချုပ်နှောင်ထားသူ မျက်နှာဖြူအားလုံးကို လွှတ်ပေးဖို့ ဆိုတာတွေ တောင်းဆိုတယ်။ ဘကြီးတော်မင်းက မလွှဲသာလို့ သဘောတူတဲ့အခါ ဂျဒ်ဆင်တို့ မိသားစု ဗိုလ်ချုပ်ကြီး ကင်းဘဲတို့နဲ့အတူ ရန်ကုန်ကို လိုက်ပါလာခဲ့တယ်။

ရန္တပိုစာချုပ်အရ ဗြိတိသျှလက်အောက် ရောက်ခဲ့တဲ့ တနင်္သာရီကမ်းရိုးတန်းဒေသအတွက် မြို့တော်ရွေးချယ်ဖို့ မြို့ပြတိုင်းမင်းကြီး ဂျွန်ကရောဖို့က ဂျဒ်ဆင်ကို သူနဲ့လိုက်ပါကူညီဖို့ အကူအညီတောင်းတယ်။ သူတို့က တနင်္သာရီနယ်ရဲ့ မြို့တော်အဖြစ် ကျိုက္ခမီကို ရွေးချယ်ခဲ့တယ်။ ဂျဒ်ဆင်က သာသနာပြုစခန်းကို ရန်ကုန်ကနေ ကျိုက္ခမီပြောင်းဖွင့်ခဲ့တယ်။ အလုပ်ကြိုးစားနေစဉ်မှာပဲ ဂျဒ်ဆင်ရဲ့ ဇနီးအန်နဲ့ သမီးလေး မရီယာဆုံးပါးတဲ့အတွက် ဂျဒ်ဆင် ချုံးချုံးကျခဲ့ရတယ်။

အမေရိကန်သာသနာပြုအဖွဲ့က ဂျော့နဲ့ ဆာရာဘုဒ်မင်းတို့ကို မြန်မာပြည်ကို ထပ်စေလွှတ်ထားတယ်။ ဗိုလ်ချုပ်ကြီး ကင်းဘဲက မုတ္တမတစ်ဖက်ကမ်း သံလွင်မြစ်ဝအထက် ၂၅ မိုင်အကွာမှာရှိတဲ့ မော်လမြိုင်မှာ ဌာနချုပ်ဖွင့်တဲ့အခါ ကျိုက္ခမီကို လူတွေမလာတော့ဘဲ မော်လမြိုင်မြို့ကို လူတွေ ပြောင်းရွှေ့နေထိုင်ပြီး မြို့ကြီးဖြစ်လာတယ်။ ဂျဒ်ဆင်က ဘုဒ်မင်းတို့ကို မော်လမြိုင်ပို့ပြီး နှစ်ခြင်းသာသနာပြုစခန်းဖွင့်ဖို့ စီစဉ်တယ်။

အန်ဆုံးပြီးတဲ့အခါ ဂျဒ်ဆင်ဖြေမဆည်နိုင်ဖြစ်နေရတဲ့အတွက် မိတ်ဆွေတွေက စိတ်ပူတယ်။ ဂျဒ်ဆင်က သူတစ်သက်တာလုံးစုဆောင်းလာတဲ့ ဒေါ်လာ ၆၀၀၀ ကို သာသနာပြုအဖွဲ့ကို လှူလိုက်တယ်။ သူတောင့်တခဲ့ရတဲ့ သူပညာသင်ကြားခဲ့ရာ ဘရောင်ယူနီဗာစတီက ချီးမြှင့်တဲ့ ဒေါက်တာဘွဲ့ကို ငြင်းပယ်လိုက်တယ်။ သူ့ရဲ့ ကျော်စောထင်ရှားမှုကို မက်မောတဲ့စိတ်ကို ထိန်းချုပ်လိုက်တာ ဖြစ်ပါတယ်။

ဂျဒ်ဆင်က ရန်ကုန်ပြန်ပြီး သာသနာပြုစခန်းပြန်ဖွင့်မယ်လို့ ဆုံးဖြတ်တယ်။ သူ့ကို တားကြပေမဲ့ ရန်ကုန်ပြန်သွားတယ်။ ဂျဒ်ဆင် ရန်ကုန်မှာ ရှိနေစဉ်မှာ ဆာရာဘုဒ်မင်းရဲ့ ခင်ပွန်း ဂျော့ဘုဒ်မင်း ဆုံးပါးသွားကြောင်း စာရောက်လာတယ်။

ဂျဒ်ဆင်ရဲ့တောင်းဆိုချက်အရ ၁၈၃၃ နှစ်ဦးပိုင်းမှာ အမေရိကန်သာသနာပြုဆရာ ခြောက်ဦး မော်လမြိုင်ရောက်လာတဲ့အတွက် သူတို့ကို နေရာချထားပေးဖို့ မော်လမြိုင်ကို သွားတယ်။ အမေရိကန် နှစ်ခြင်းသာသနာပြုအဖွဲ့က ဂျဒ်ဆင်ဟာ မြန်မာပြည်သာသနာပြုရေးမှာ အဓိကခေါင်းဆောင်ကြီး ဖြစ်တဲ့အတွက် ကျန်းမာရေးမထိခိုက်အောင် မော်လမြိုင်မှာပဲနေပြီး သမ္မာကျမ်းစာကို ပြီးပြတ်အောင် ဘာသာပြန်ဖို့ ညွှန်ကြားတယ်။

ဂျဒ်ဆင်က သူ့အပေါ်မှာ နားလည်ပေးနိုင်ပြီး အချင်းချင်းအပြန်အလှန် အားပေးကူညီနိုင်တဲ့ ဆာရာနဲ့ လက်ထပ်ခဲ့ပါတယ်။